Mtu mzima JCB
hivi sasa yuko njiani anaelekea Nairobi tayari kwa safari yake ya kwenda
Denmark kuishi na familia yake. JCB ameongea na DJCHOKAblog kwa njia ya
simu akitokea Arusha akielekea Nairobi kwaajili ya kupanda ndege
itakayompeleka hadi Amsterdam halafu Denmark. Alipoulizwa kuhusu atarudi
lini JCB alijibu bado hajafikiria labda mwakani ndio atarudi ila atakaa
kaa sana huko Denmark na mke wake pamoja na mtoto wao mmoja waliompata
Serikali
ya Tanzania imetangaza kufuta daraja sifuri katika matokeo ya elimu ya
sekondari nchini na kuongeza daraja la tano ambapo pia matokeo ya kidato
cha nne kwa watahiniwa wanaorudia mitihani yatahusisha matokeo yao ya
awali wakati wakiwa shuleni ili kuwarahisishia kupata alama nzuri.
Katibu mkuu wa Wizara ya elimu na mafunzo ya ufundi Profesa Sifuni
Mchome amesema pamoja na marekebisho hayo pia wameongeza daraja B ya juu
kwa alama za ufaulu ambapo daraja A wigo wa ufaulu ni kati ya alama 75
na 100, daraja B la juu ni kati ya alama 60 na 74, daraja B la kati ni
50 na 59, daraja C kati ya 40 na 49, daraja D kati ya 30 na 39, daraja E
kati ya 20 na 29 na daraja F ni kati ya alama 0 na 19.
Profesa Mchome amesema marekebisho hayo yanalenga kuinua kiwango na
kuboresha kiwango cha elimu Tanzania ambapo kwa kila muhitimu wa kidato
cha nne matokeo yake ya mwisho yatajumlishwa na alama zisizozidi 40
ambazo zitatokana na majibu ya mitihani ya kidato cha pili, cha tatu na
mtihani wa Mock.
Kwenye sentensi nyingine ni kwamba mtihani wa kidato cha nne
utafanyika November 4 2013 ambapo zaidi ya Watahiniwa laki nne
wanatarajiwa kufanya mtihani hii ambapo kati yao, Watahiniwa laki 3 na
elfu 67,399 ni kutoka shuleni huku Wavulana ni 198,257 sawa na asilimia
53.69 na Wasichana ni 169,142 sawa na asilimia 46.04 ambapo vituo vya
kufanyia mitihani ni 4,365
